حبيت نوضح فكرة السيرفر خاطر ثم برشا عباد تدخل وديما تسال شنو هو السرفر وعلاش موجود. باهي السيرفر هو تجمع متاع ملحدين توانسة لكن في نفس الوقت فما عباد تدخل تكون من ديانات أخرى كيما المسيحيين، كيما الشيعة، كيما المسلمين العاديين إلى آخره. لكن السيرفر في الأصل هو عبارة على مجتمع إلحادي صرف، يعني عادي جدا باش تلقى عباد تفذلك بالدين، عادي جدا باش تلقى عباد تحكي في موضوع في الدين وتضحك عليه، شيء طبيعي خاطرو ملحد ما يعتقدش أن الدين نتاعك حاجة لازمني نقدسها، حاجة عادية بالنسبة لي أنا وبالنسبة ليه هو كملحد. إذا كان أنت تلوج على الاحترام وتلوج أن شكون يحترم دينك، ساهلة على الآخر وقت اللي تبدا تحكي معايا نحترمك. وين نحترمك؟ كي تبدا تحكي معايا صوت نتناقشو في موضوع، غير هذا راني عادي ما نحترمش دينك